Çin XİN Qərb mediasının Herşin “Şimal axını” ilə bağlı araşdırmasına susmasını tənqid edib

Vanq Venbin qaz kəmərlərinin partlamasına görə məsuliyyət daşıyanları məsuliyyətə cəlb etməyə çağırır.
Elchi.az xəbər verir ki, Çin Xarici İşlər Nazirliyinin sözçüsü Vanq Venbin ABŞ-ın “Şimal axını” partlayışlarında iştirakını sübuta yetirən amerikalı jurnalist Seymur Herşin təhqiqatı ilə bağlı Qərb mediasını susdurduğuna görə tənqid edib.
“Amerikalı jurnalist Seymur Herşin yeni təfərrüatlı araşdırması ilə bağlı hesabat dərc edildikdən sonra hər zaman azadlığı, peşəkarlığı və qərəzsizliyi təbliğ edən Qərb mediası kollektiv afaziyaya düşüb”, – Venbin bildirib.
O, diqqəti Herşin əvvəllər “Nyu York Tayms” qəzetinin müxbiri olmasına, “Vaşinqton Post”un Amerika nəşrinin hətta onun haqqında materiallar dərc etməsinə yönəldib. Lakin bu media orqanlarının heç biri yüksək səviyyəli araşdırma haqqında məlumat verməyib və hətta bu barədə Ağ Evin təkzibini dərc etməyib.
“Bu KİV-ləri doğrudanmı “Şimal axını” qaz kəmərində baş verən partlayışlarla bağlı həqiqət narahat etmir? Yoxsa başqa gizli hallar varmı?”, – deyə Çin Xarici İşlər Nazirliyinin nümayəndəsi soruşub.
Bütün bunların fonunda Venbin “Şimal axını”nda baş verən partlayışlarla bağlı müstəqil araşdırma aparılmasını və bu hadisəyə görə məsuliyyət daşıyanların məsuliyyətə cəlb edilməsini istəyib.

Şayəstə