Ukrayna Prezidenti Volodimir Zelenski Rusiya ordusunun ölkəsindəki kritik və mülki infrastruktura hücumlarının davam etdiyini bildirərək, “Rusiyanın hər bir intensiv hücumu dağıdıcı ola bilər” dedi.
Elchi.az xəbər verir ki, Zelenski sosial media hesabındakı paylaşımında Rusiyanın son bir həftə ərzində Ukraynaya qarşı həyata keçirdiyi hava hücumları haqqında məlumat verdi.
Rusiya ordusunun ölkəsindəki enerji də daxil olmaqla, kritik və mülki infrastrukturu hədəf aldığını bildirən Zelenski, “Rusiyanın hər bir intensiv hücumu dağıdıcı ola bilər” şərhini verdi.
Zelenski Rusiyanın son bir həftə ərzində Ukraynaya qarşı hava hücumlarında 1700-dən çox pilotsuz uçuş aparatı (PUA), 1380-dən çox idarə olunan hava bombası və 69 müxtəlif tipli raketdən istifadə etdiyini bildirdi.
Bu gün Litvanın paytaxtı Vilnüsdə Polşa və Litva liderləri ilə görüşəcəyi barədə məlumatı paylaşan Zelenski, görüşlər zamanı ölkəsinin hava müdafiəsinin gücləndirilməsi kimi məsələləri müzakirə edəcəklərini qeyd etdi.
Zelenski bildirib ki, “Ukraynanı gücləndirmək üçün hər bir liderlə işləyirik. Hər kəs Rusiyadan gələn təhlükəni aydın şəkildə başa düşməlidir. Bunu ən yaxşı xalqımız başa düşür”.
Şayəstə
