BMT Haitiyə xəbərdarlıq etdi!
Birləşmiş Millətlər Təşkilatı (BMT) xəbərdarlıq edib ki, Haitidə dəstə zorakılığı ictimai və şəxsi həyatın hər aspektinə təsir edir və ölkədə dövlət hakimiyyətinin tamamilə dağılması riski var.
Elchi.az xəbər verir ki, Haitidəki hadisələr BMT Təhlükəsizlik Şurasında (BMT TŞ) müzakirə edilib.
BMT Baş katibinin Avropa, Mərkəzi Asiya və Amerika üzrə müavini Miroslav Yenca burada üzv dövlətlərə brifinq keçirərək bildirib ki, yanvarda Haitiyə sonuncu səfərindən sonra o, dövlət hakimiyyətinin və qanunun aliliyinin kəskin aşınmasını müşahidə edib.
Paytaxt Port-au-Prinsin dərin bir transformasiya yaşadığını qeyd edən Jenca, "Paytaxt Toussaint Louverture Beynəlxalq Hava Limanına beynəlxalq kommersiya uçuşlarının dayandırılması səbəbindən qruplar tərəfindən faktiki olaraq iflic vəziyyətinə salındı və təcrid edildi" - deyib.
Jenca bandaların təsirlərini artırmağa davam etdiyini söyləyərək xəbərdarlıq edib: “Beynəlxalq ictimaiyyət öz hərəkətlərini gücləndirməsə, paytaxtda dövlət varlığının tamamilə dağılması çox real ssenariyə çevrilə bilər”.
Siyasi arenada qalıcı irəliləyişin ancaq təhlükəsizlik mühitinin yaxşılaşdırılması ilə mümkün ola biləcəyini ifadə edən Yenca, silahlı dəstələrin cəmiyyətlərə qarşı törətdiyi vəhşiliyin və şiddətin ölkəni daha da dərin ağrı və travmaya sürüklədiyinə diqqət çəkib.
"Biz bu kritik anda Haitidən üz döndərə bilmərik. İndi hərəkətə keçməliyik. İndi əlimizdə olan variantlar, dövlətin tamamilə dağılması halında qarşılaşacağımız ssenarilərdən çox daha az xərcli və mürəkkəbdir. Boş yerə sərf etmək üçün bir an belə yoxdur",- deyib.
Nuranə Məmmədova
