2026-cı ilin ilk 7 ayında Azərbaycanın ticarət dövriyyəsi üzrə ilk beşlikdə olan ölkələr açıqlanıb.
Elchi.az Dövlət Gömrük Komitəsinin məlumatına əsasən xəbər verir ki, ölkənin ticarət dövriyyəsinin 24.97%-i İtaliya ilə aparılıb. Ticarət əməliyyatları 7 milyard 294 milyon 90.02 min dollar təşkil edib.
Xarici ticarət əməliyyatlarında Böyük Britaniya 3 milyard 653 milyon 130.39 min dollar və 12.50%-lik pay ilə ikinci sırada qərarlaşıb.
Türkiyə ilə aparılmış ticarət əməliyyatları 3 milyard 280 milyon 17.87 min dollar dəyərində olub. Türkiyə ilə ticarət ümumi dövriyyənin 11.23%-ni təşkil edib.
Çin 2 milyard 609 milyon 994.79 min dollar və ya 8.93%-lik pay ilə Azərbaycanın ümumi ticarət dövriyyəsində dördüncü, Rusiya isə 2 milyard 109 milyon 757 min dollar və ya 7.22%-lik pay ilə beşinci sırada yer alıb.
