Almaniya Birləşmiş Ştatlara Avropa ərazisində “Patriot” ailəsinə məxsus zenit idarəolunan raketlərin, o cümlədən ən son PAC-3 MSE modifikasiyalarının buraxılışı üçün əlavə istehsal gücləri yerləşdirməyi təklif edib.
Elchi.az xəbər verir ki, bu barədə FHN-in müdafiə naziri Boris Pistorius Bundestaqın müdafiə komitəsinin iclasının yekunlarına dair məlumat verib.
Gələcəkdə Avropada PAC-3-lərin istehsalının planlaşdırılıb-planlaşdırılmadığı barədə sualı cavablandıran Pistorius qeyd edib ki, “Almaniya bunu istərdi”. “Söhbət PAC-3-dən, PAC-2 GEM-T-dən gedir, nəzəri olaraq söhbət “Patriot” komplekslərinin özündən də gedə bilər. Lakin bu qərarı vermək bizim səlahiyyətimizdə deyil. Biz sadəcə Amerika tərəfinə təklif vermişik”, – deyə “Die Welt” qəzeti FHN-in müdafiə idarəsinin rəhbərindən sitat gətirir.
Nazirin sözlərinə görə, o, bu məsələni artıq Vaşinqtonda keçirdiyi son danışıqlar zamanı müzakirə edib. “Yekun olaraq bu, əqli mülkiyyət məsələsidir. Həlledici amil Pentaqonun, Ağ Evin və “Lockheed Martin” şirkətinin özünün güzəştə gedib-getməyəcəyidir”, – deyə Pistorius izah edib və tərəflərin “qarşılıqlı faydalı qərarlara ümid etdiyini” əlavə edib.
Məryəm
