Almaniya hökuməti 40 ədəd dördüncü nəsil çoxməqsədli “Eurofighter Typhoon” qırıcılarının Türkiyəyə ixracına razılıq verib.
Bu barədə Elchi.az Spiegel” jurnalına istinadən xəbər verir.
Qərar Federal Təhlükəsizlik Şurası səviyyəsində razılaşdırıldıqdan sonra qəbul edilib.
Nəşrin məlumatına görə, Türkiyə hələ 2023-cü ilin yazında Almaniyadan Britaniyanın “BAE Systems” konsorsiumunun Almaniya və İtaliya şirkətləri ilə birgə istehsal etdiyi qırıcıların tədarükünə razılıq verilməsini xahiş edib. Lakin keçmiş kansler Olaf Şoltsun hökuməti buna qarşı olub.
Buna baxmayaraq, Federal Təhlükəsizlik Şurasının bu yaxınlarda keçirdiyi qapalı iclasda tədarükə razılıq verilməsi barədə qərar qəbul edilib.
