Avropa İttifaqı (Aİ) dezinformasiyanın qarşısının alınması və qeyri-qanuni məzmunun sürətlə silinməsi kimi yeni sərt qaydalarını sabahdan çoxlu istifadəçi sayına malik Google, Facebook və YouTube kimi dünyanın ən böyük texnologiya platformalarına tətbiq etməyə başlayacaq.
Elchi.az xəbər verir ki, Aİ-nin Rəqəmsal Xidmətlər Qanununa (DSA) əsasən, Avropa ölkələrində fəaliyyət göstərən əsas rəqəmsal platformalar, axtarış sistemləri və alış-veriş saytları avqustun 25-dən etibarən daha sərt qaydalara tabe olacaq.
Texnologiya şirkətlərinin iş tərzini köklü şəkildə dəyişdirəcəyi gözlənilən qanun indi Avropa ölkələrində 45 milyondan çox istifadəçisi olan çox böyük rəqəmsal platformaları əhatə edir.
Aİ-nin istifadəçilərin sayı ilə bağlı araşdırmaları nəticəsində Alibaba, Amazon, Apple AppStore, Booking.com, Facebook, Google Play, Google Maps, Google Shopping, Instagram, LinkedIn, Pinterest, Snapchat, TikTok, X əvvəllər Twitter, Wikipedia , YouTube və Zalando çox böyük onlayn platformalar, Bing və Google isə çox böyük axtarış motorları kimi təsnif edilir.Sadalanan 19 platformadan dezinformasiyanın məhdudlaşdırılması, qeyri-qanuni məzmunun sürətlə silinməsi, yetkinlik yaşına çatmayanların onlayn rejimdə daha yaxşı qorunması, risklərin qiymətləndirilməsi, risklərin azaldılması üçün addımların atılması və onların kənar auditə cəlb edilməsi kimi əlavə qaydaların tətbiqi tələb olunur.
Cümə günündən etibarən platforma istifadəçiləri müəyyən məlumatların niyə onlara tövsiyə edildiyi barədə aydın məlumat ala biləcək və profil əsaslı tövsiyə sistemlərinə daxil edilməmək hüququna malik olacaqlar.
Şayəstə Hüseynova
Son şərhlər