ABŞ Dövlət Katibi Marko Rubio, ABŞ və İsrailin İrana hücumları ilə başlayan müharibədə NATO müttəfiqlərindən gözlədikləri dəstəyi almadıqlarını bildirdi. Rubio, münaqişələr bitdikdən sonra bu ittifaqı yenidən qiymətləndirməli olduqlarını söylədi.
Elchi.az xəbər verir ki, Fox News-a verdiyi müsahibədə ABŞ Dövlət Katibi Marko Rubio, ABŞ və İsrailin İrana hücumları ilə başlayan müharibəni şərh etdi.
ABŞ-ın tələblərinə baxmayaraq Hörmüz boğazına dəstək göndərməyən və ya bazaların istifadəsinə icazə verməyən NATO müttəfiqlərini tənqid edən Rubio dedi: “Biz onlardan hava hücumları keçirmələrini istəmirik. Onların hərbi bazalarından istifadə etməli olduğumuz zaman cavab “Xeyr”dir. Bəs niyə NATO-dayıq?”
Rubio, senator olduğu dövrdən bəri NATO-nu “qətiyyətlə müdafiə etdiyini”, lakin bu Alyansın “getdikcə birtərəfli münasibətə çevrildiyini” iddia etdi. Rubio, NATO ilə bağlı son qərarın ABŞ prezidenti Donald Trampa aid olduğunu bildirərək, “Bu münaqişədən sonra bu münasibətləri yenidən qiymətləndirməli olacağıq. NATO-nun və bu Alyansın ölkəmiz üçün dəyərini yenidən qiymətləndirməli olacağıq” dedi.
İranla bağlı planlarına gəldikdə isə, Rubio “finiş xəttini gördüklərini” və əlavə etdi: “Bu gün və ya sabah deyil, amma yaxınlaşır”.
Şayəstə
