İsrail Baş naziri Benyamin Netanyahu ABŞ Prezidenti Donald Trampın İrana hücumlarla bağlı elan etdiyi 2 həftəlik atəşkəsi dəstəklədiklərini, lakin bunun Livanı əhatə etmədiyini iddia etdiklərini bildirib.
Elchi.az xəbər verir ki, İsrail Baş Nazirinin Ofisindən verilən yazılı açıqlamaya görə, Netanyahu Trampın İranla 2 həftəlik atəşkəslə bağlı qərarını dəstəkləyib.
İranla 2 həftəlik atəşkəsin Livanı əhatə etmədiyini iddia edən Netanyahu, “ABŞ-ın İranın nüvə silahına sahib olmamasını və İsraili, ABŞ-ı, Körfəzi və dünyanın digər ölkələrini raketlərlə təhdid etməməsini təmin etmək səylərini dəstəklədiklərini” bildirib.
Netanyahu deyib: “İsrail ABŞ Prezidenti Trampın İrana hücumları 2 həftə müddətinə dayandırmaq qərarını Tehranın Hörmüz boğazını açması və atəşkəsə riayət etməsi şərti ilə dəstəkləyir”.
ABŞ Prezidenti Tramp Hörmüz boğazının tam açılması şərti ilə İranla iki həftəlik qarşılıqlı atəşkəsə razılaşdığını açıqlayıb.
Şayəstə
