“Qərbi Azərbaycana qayıdış Azərbaycan dövlətinin prioritet məsələlərindən biri olmalıdır. Bu, dövlət siyasəti halına gətirilməli, ardıcıl olaraq üzərində iş aparılmalıdır”.
Bu fikirləri Elchi.az-a açıqlamasında BAXCP sədrinin müşaviri, politoloq Azər Qasımov söyləyib.
Onun sözlərinə görə, Qərbi Azərbaycana Qayıdış məsələsi əslində nə Ermənistana təzyiq, nə də onun himayədarlarına hansısa mesaj xarakteri daşımalı, ciddi şəkildə beynəlxalq arenaya çıxarılması vacib olan məsələ olmalıdır.
“BMT-nin geniş tərkibdə iclası çərçivəsində Qayıdış məsələsi gündəmə gətirilməli, dünyaya bəyan edilməlidir. Avropa İttifaqının (Aİ) bu məsələdə Məshəti türklərinin Gürcüstana repatriasiya məsələsi ilə əlaqəli irəli sürdüyü şərtin Ermənistandan da tələb edilməsi Azərbaycanın Avropa İttifaqının Parlament Assambleyasındakı nümayəndə heyəti tərəfindən müzakirəyə çıxarılması istənilməlidir. Ermənistan da Gürcüstan kimi repatriasiya haqqında qanun qəbul etməli, Qərbi Zəngəzura azərbaycanlıların qaytarılması haqda şərtləri müəyyən etməlidir. Qayıdacaq insanların təhlükəsizliyi, ərazidə yerləşməsi, onlara yaşayış şəraitinin yaradılması və təzminat məsələlərinin həlli Ermənistan dövləti tərəfindən bəyan edilməli, öhdəlik götürüldüyünə dair sənəd imzalanmalıdır. Bu, Aİ-dan tələb edilməlidir, xüsusən də, belə bir presidentin mövcudluğu məlum olduğu halda. Bu barədə təşkilati işlər sürətləndirilməlidir”.
Yeganə
Son şərhlər