9 dekabrda başlayan güclü yağışların yaratdığı daşqınlar səbəbindən İraqın Kərkük şəhərində 300 ailə köçkün düşüb.
Elchi.az xəbər verir ki, 9 dekabrda başlayan güclü yağışların yaratdığı daşqınlar səbəbindən İraqın Kərkük şəhərində 300 ailə köçkün düşüb.
Kərkükdəki Leylan rayonunun direktoru Məhəmməd Veyis mətbuat açıqlamasında Leylan rayonunun və Yəhyava və Yarımca kəndlərinin daşqınlardan ən çox zərər çəkən ərazilər olduğunu bildirib.
Veyis təsirlənən ərazilərdə bir çox məktəb və səhiyyə mərkəzinin, eləcə də yüzlərlə evin yararsız hala düşdüyünü bildirib.
O, köçkün ailələrə təcili yardım göstərildiyini və ailələrin əksəriyyətinin digər ərazilərdə yaşayan qohumları ilə məskunlaşmalı olduğunu bildirib.
Veyis bu ailələr üçün təcili yardım və dəstək üçün müraciət edib və kəndlərin tez bir zamanda yenidən qurulmasını istəyib.
“Hər yağışdan sonra daşqın qorxusu ilə yaşayırıq”
Yarımca kənd sakini Casim Məhəmməd kənd sakinlərinin daşqın səbəbindən köçkün düşdüyünü bildirib.
Bütün kəndin su altında qaldığını bildirən Məhəmməd, kənddəki bütün evlərin istifadəyə yararsız hala düşdüyünü söylədi. Məhəmməd kəndin yenidən qurulması üçün yerli administrasiyadan və dövlətdən dəstək istədi.
Süfyan Qəzəl, kəndin yaxınlığından keçən çayların daşması nəticəsində şiddətli bir daşqın baş verdiyini bildirdi.
Dövlətdən kömək gözlədiklərini ifadə edən Qəzəl, hər leysan yağışdan sonra daşqın qorxusu ilə yaşadıqlarını söylədi.
İraqın Kərkük şəhərində 9 dekabrda başlayan şiddətli yağışların yaratdığı daşqınlar səbəbindən 300 ailə köçkün düşüb.
Şayəstə
