ABŞ-ın Texas ştatında yağan yağış və tufan daşqınlara səbəb olub.
Elchi.az xəbər verir ki, Johnson County Fövqəladə Hallar İdarəsindən verilən açıqlamada, 4 yaşlı uşağın olduğu avtomobilin sel sularına tutulması nəticəsində boğularaq öldüyü bildirilib. Avtomobildən xilas edilən 2 nəfərin xəstəxanaya aparıldığı bildirilib.
Milli Meteoroloji Xidmətin məlumatına görə, ötən gecə Texasın mərkəzindən şimalda Dallas-Fort Uort şəhərinə qədər uzanan bölgədə 6-8 saat ərzində yağış yağıb.
Hyustonun şimal-qərbində ildırım vuran ağacın evin qarajına düşməsi nəticəsində yanğın baş verib. Qarajda baş verən yanğını söndürmək üçün yanğınsöndürmə briqadası göndərilib.
Hyustondakı Corc Buş Qitələrarası Hava Limanında və Hobbi Hava Limanında yüzlərlə reys təxirə salınıb və ya ləğv edilib.
Yağışlar səbəbindən bir çox çaylarda, o cümlədən Trinity və San Jacinto çaylarında suyun səviyyəsi yüksəlib.
Keçən həftədən bəri minlərlə insanın təxliyə edildiyi əyalətdə su basmış ev və yollardan ən azı min nəfər xilas edilib.
Nuranən Məmmədova
Son şərhlər