ABŞ Prezidenti Donald Tramp bəyan edib ki, İranla münaqişənin noyabr ayındakı aralıq seçkilərdən əvvəl başa çatacağını və ya həmin vaxta qədər neft qiymətlərinin düşəcəyini gözləmir.
Elchi.az xəbər verir ki, Konqresə keçiriləcək aralıq seçkilər ərəfəsində partiyasının ilk qurultayında iştirak etmək üçün Texasa səfəri zamanı çıxış edən Tramp, Tehran administrasiyasının müqavimətinin artıq həddinə çatdığını vurğulayıb. O, münaqişənin seçkilərdən dərhal sonra bitəcəyini və neft qiymətlərinin kəskin şəkildə aşağı düşəcəyini iddia edib.
İranın ABŞ seçkilərinə təsir göstərməyə çalışdığını irəli sürən Tramp bildirib ki, Tehranın məqsədi hakimiyyətə zəif bir administrasiyanın gəlməsidir; belə bir administrasiya ölkəyə nüvə silahı əldə etmək imkanı verə bilər.
Digər tərəfdən, Tehran administrasiyası nüvə silahı yaratmağa çalışdığına dair iddiaları rədd etməkdə davam edir.
İranla danışıqlar ehtimalına toxunan ABŞ Prezidenti qeyd edib ki, yeni bir görüşün keçirilməsi mümkün olsa da, bu məsələ hazırda gündəmdə deyil.
Artıq yeddinci ayına qədəm qoyan münaqişənin cəmi bir neçə həftə davam edəcəyini əvvəlcədən proqnozlaşdıran Tramp, qarşıdurmaların benzin və ərzaq qiymətlərini artırması səbəbindən ictimai dəstəyin əhəmiyyətli dərəcədə azalması ilə üzləşib.
Şayəstə
