İsrailin baş naziri Binyamin Netanyahunun 2018-ci ildə Qətərdən Həmas üçün pul istədiyi və bunun “terrorizmi maliyyələşdirmək” kimi qiymətləndirilməyəcəyinə zəmanət verdiyi iddia edilib.
İsrailin Baş naziri Binyamin Netanyahu, Qəzzaya hücumlara verilən reaksiyalar, dünyanın hər yerindən atəşkəs çağırışları və ölkədəki üsyanların səngiməyən üsyanları və həmçinin ‘gizli məktub’ səbəbiylə bir daha küncə sıxıldı. İsrail mediası Netanyahunun 2018-ci ildə Qətərə gizli məktub göndərərək Həmas üçün pul istədiyini yazıb.
Elchi.az xəbər verir ki, “Yediot Ahronot” qəzetindəki məlumatda, yalnız bir neçə nəfərin gördüyü deyilən məktubda Netanyahunun Qətərdən Qəzzəyə aylıq 30 milyon dollar maliyyə yardımı etməsini istədiyi bildirilib.
Məktubda Netanyahunun HƏMAS-a veriləcək maliyyənin “regional sabitliyi qoruyacağını və humanitar böhranın qarşısını alacağını” ifadə etdiyi vurğulanıb.
Məlumatda Qətər rəsmilərinin daha çox təminat tələb etməsindən sonra ABŞ hökumətinin Netanyahunun təklifini qəbul etdiyi və Dohaya əlavə məktub göndərdiyi, “Qətərə HƏMAS-ın maliyyələşdirilməsinin terrorizmin maliyyələşdirilməsi hesab edilməyəcəyinə zəmanət verildiyi” bildirilib.
Xəbərlə bağlı İsrail baş nazirliyindən hələlik heç bir cavab alınmadığı bildirilib.
Nuranə Məmmədova
Son şərhlər