Rusiyanın müdafiə naziri Sergey Şoyqunun Ukraynanın guya radioaktiv “çirkli bomba” ilə hücum hazırlaması ilə bağlı hekayələrlə xarici liderlərə zəngləri Rusiyanın özünün belə bir zərbə hazırlaması anlamına gəlir.
Elchi.az xəbər verir ki, Bu barədə Ukrayna Prezidenti Vladimir Zelenski axşam müraciətində bildirib və mətni Prezident Aparatının saytında dərc olunub.
“Rusiya zəng edib deyirsə ki, guya Ukrayna nəsə hazırlayır, bu bir şey deməkdir: Rusiya bütün bunları artıq hazırlayıb”, – deyə Zelenski bildirib. “Ona görə də, bu gün Rusiyanın müdafiə naziri telefon karuseli quranda və xarici işlər nazirlərinə “çirkli” nüvə bombası haqqında hekayələr danışanda hamı hər şeyi mükəmməl başa düşür. Onlar başa düşürlər ki, bu müharibədə təsəvvür edilə biləcək bütün çirkin şeylərin mənbəyi kimdir”.
Qeyd edək ki, Ukrayna Atom Enerjisi üzrə Beynəlxalq Agentliyin (MAQATE) ekspertlərini Rusiyanın fikrincə, tərkibində radioaktiv maddə olan “çirkli bomba” adlanan partlayıcı qurğunun hazırlana biləcəyi səbəbiylə obyektlərə baş çəkməyə dəvət edib.
Yeganə
Son şərhlər