Zelenski: ABŞ-ın köməyi olmadan Ukrayna çoxlu insan və ərazi itirəcək.
Elchi.az xəbər verir ki, Ukrayna prezidenti Vladimir Zelenski bildirib ki, Vaşinqton Kiyevə yardım göstərməsə, ölkəsi çoxlu insan və ərazi itirəcək.
“Biz çoxlu insan və ərazi itirəcəyik”, – deyə Ukrayna lideri NBC telekanalına müsahibəsində ABŞ-ın köməyi olmadan Ukraynanın başına nə gələcəyi ilə bağlı jurnalistin sualını cavablandırıb.
Kiyevdə amerikalı senatorlardan ibarət nümayəndə heyəti ilə görüşdə Ukrayna prezidenti qeyd edib ki, rəsmi Kiyev Vaşinqtondan kömək almadığı təqdirdə münaqişədə məğlubiyyət gözləyir. O, əvvəllər Qərbin dəstəyi olmasa, Ukrayna qoşunlarının məhv ediləcəyini deyərək, daha çox pul və silah tələb edib və müttəfiqləri kifayət qədər dəstək olmamaqda ittiham edib.
Bundan bir qədər əvvəl Ukrayna Milli Təhlükəsizlik Şurasının (MTŞ) katibi Aleksey Danilov Ukrayna ordusunda mənəvi itkilər və döyüş meydanında “çətin” vəziyyət olduğunu bildirdi. O, həmçinin Qərb tərəfdaşlarından silah və sursat istəyib və bunsuz Ukrayna Silahlı Qüvvələrinin vəziyyətinin daha da pisləşəcəyini qeyd edib.
Şayəstə Hüseynova
Son şərhlər