Ukraynalı pilotların ABŞ-a gəlişi Vaşinqtonun F-16 qırıcılarının göndərilməsi ilə bağlı mövqeyini dəyişməyəcək

Ukraynadan olan hərbçilər uçuş simulyatorlarında bacarıqlarını nümayiş etdirməli olacaqlar.
Elchi.az xəbər verir ki, İki ukraynalı pilotun Qərb təyyarələri ilə işləmək üçün təlim keçmək, eləcə də onların bacarıqlarını qiymətləndirmək üçün ABŞ-a gəlişi Vaşinqtonun F-16 qırıcılarının Kiyevə göndərilməsi ilə bağlı mövqeyini dəyişməyəcək. Bu barədə “Politico” mənbələrə istinadən yazır.
“Müzakirələrlə tanış olan 3 nəfərin sözlərinə görə, iki ukraynalı pilot döyüş təyyarələrini idarə etmək bacarıqlarını qiymətləndirmək üçün ABŞ-dadır. Buna baxmayaraq, administrasiya rəsmiləri hələlik F-16-ların Kiyevə göndərilməsi planının olmadığını deyirlər.
ABŞ Müdafiə Nazirliyindəki mənbənin sözlərinə görə, proqram 2022-ci ilin sonunda başlamalı idi, lakin təxirə salınıb. Belə bir proqramın məqsədi pilotların “öz imkanlarından və təyyarələri üçün nəzərdə tutulmuş potensialdan” istifadə etmək üçün ümumi bacarıqlarını qiymətləndirməkdir.
Təlimlərin ABŞ Milli Qvardiyasının Hərbi Hava Qüvvələrinin (Hava Qüvvələri) Arizonadakı bazasında keçiriləcəyi dəqiqləşib. Ukraynalı pilotlar uçuş simulyatorlarında öz bacarıqlarını nümayiş etdirməli olacaqlar, lakin onlar Amerika təyyarələrini idarə etməyəcəklər.
Xatırladaq ki, ərəfədə iki ukraynalı pilotun Arizona ştatının Tukson şəhərindəki hərbi bazaya təlim keçmək üçün gəldiyi məlum olub.

Şayəstə