Ukrayna ordusunun Rusiyanın cənubunda həyata keçirdiyi genişmiqyaslı dron hücumunda üç nəfər həlak olub, 16 nəfər yaralanıb.
Elchi.az xəbər verir ki, Ukrayna Rusiyanın cənubundakı Qara dəniz sahilində yerləşən Novorossiysk, Rostov-na-Donu və Krasnodar bölgəsini hədəf alıb. Rostov qubernatoru Yuri Slyusar hücumda boya sexinə, bir anbara, dörd mənzil binasına və 12 evə ziyan dəydiyini, üç nəfərin öldüyünü və 10 nəfərin yaralandığını bildirib. Krasnodar qubernatoru Veniamin Kondratyev bildirib ki, “Krasnodar bölgəsi Kiyev rejiminin ən uzun və ən böyük hücumlarından birinə məruz qalıb”. Kondratyev bildirib ki, hücumlarda altı nəfər yaralanıb, 20 mənzil binasına ziyan dəyib. Sosial mediada paylaşılan videoda Rusiya hərbi dəniz bazasının yerləşdiyi Novorossiysk liman şəhərindəki bir binaya kamikaze dronunun dəydiyi görünür. Rusiya Müdafiə Nazirliyi gecə ərzində Rusiya ərazisi üzərində 249 Ukrayna PUA-sının, Qara dəniz üzərində 116-sının və Krasnodar və Rostovun cənub bölgələri üzərində 92-sinin vurulduğunu açıqlayıb.
Şayəstə
