ABŞ prezidenti Donald Tramp Venesuelanın ABŞ ilə neft müqaviləsindən əldə edilən gəlirlə yalnız Amerika istehsalı olan məhsulları alacağını açıqlayaraq bildirib: “Venesuela əsas ticarət tərəfdaşı kimi ABŞ ilə iş görməyə sadiqdir. Bu, müdrik bir seçimdir və həm Venesuela xalqı, həm də ABŞ üçün son dərəcə müsbət bir inkişafdır.”
Elchi.az xəbər verir ki, ABŞ prezidenti Donald Tramp özünün Truth sosial media platformasında Venesuela ilə bağlı yeni açıqlamalar verib. O, Venesuelanın yalnız ABŞ ilə neft müqaviləsindən əldə edilən gəlirlə Amerika istehsalı olan məhsulları alacağı barədə məlumat aldığını bildirib və əlavə edib: “Bu alışlara Amerika kənd təsərrüfatı məhsulları, Amerika istehsalı olan dərman vasitələri, tibbi cihazlar və avadanlıqlar, eləcə də Venesuelanın elektrik şəbəkəsini və enerji qurğularını təkmilləşdirmək üçün avadanlıqlar daxil olacaq.”
“Venesuela ABŞ-ı əsas ticarət tərəfdaşı kimi iş görməyə sadiqdir.”
Venesuelanın bu addımından məmnunluğunu vurğulayan Tramp bildirib: “Başqa sözlə, Venesuela əsas ticarət tərəfdaşı kimi ABŞ ilə iş görməyə sadiqdir. Bu, müdrik bir seçimdir və həm Venesuela xalqı, həm də ABŞ üçün son dərəcə müsbət bir inkişafdır.”
“2027-ci il müdafiə büdcəmizin 1,5 trilyon dollar olmasına qərar verdim”
ABŞ administrasiyasının Venesuela əməliyyatının və Kolumbiya və Qrenlandiyaya qarşı təhdidli açıqlamalarının nəticələri davam edərkən, ABŞ Prezidenti Donald Tramp diqqətəlayiq bir addım atdı. Sosial media paylaşımında Tramp ölkəsini əhatə edən çətin təhlükəsizlik mühitinə toxunaraq bildirib: “Senatorlar, Konqres üzvləri, kabinet üzvləri və digər siyasi nümayəndələrlə uzun və çətin danışıqlardan sonra, xüsusən də bu son dərəcə gərgin və təhlükəli dövrdə ölkəmizin rifahı naminə 2027-ci il üçün hərbi büdcəmizin 1 trilyon dollar deyil, 1,5 trilyon dollar olmasına qərar verdim”.
Şayəstə
