Rusiya İŞİD-in Suriya ərazisində yerləşən mövqelərinə hava zərbələri endirməlidir.
Avropa.info xəbər verir ki, bu açıqlama ilə Suriyanın BMT-dəki təmsilçisi Bəşər Cəfəri çıxış edib. Onun sözlərinə görə, Rusiya bunu etməməlidir tipli müzakirələr məntiqsizdir.
“Niyə görə amerikalılar hərbi təyyarələrdən istifadə edərək İŞİD-lə mübarizə apara bilər, ruslara isə bunu etmək qadağandır? Burada heç bir məntiq yoxdur” – deyə bildirib.
Rusiyanın Lazkiyə şəhərində hərbi baza yaratmaq istəyinə münasibət bildirən Cəfəri deyib ki, Rusiyanın Suriya ərazisindəki bütün fəaliyyəti iki ölkə arasındakı münasibətlərlə tənzimlənir.
Suriyalı siyasətçinin fikrinə görə, Rusiyadan fərqli olaraq ABŞ İŞİD-lə mübarizəyə qeyri-ciddi yanaşır, hərbi əməliyyatları başqa dövlətlərin daxili işinə qarışmaq üçün istifadə edir.
Bəşər Cəfəri ABŞ-ın Suriyada ikili oyun oynadığını bildirib. Bir tərəfdən terrorçuluğa qarşı mübarizə apardığını bildirir. Digər tərəfdən həmin təşkilatların əli ilə Suriya rejimini zəiflədir.
Son şərhlər