Şimal dənizində meduzaların sayının artması EDF şirkətinin Qravlin AES-ində (O-de-Frans regionu) nasos stansiyalarının tutulmasına və üç reaktorun dayandırılması rejiminə keçirilməsinə səbəb olub.
Elchi.az xəbər verir ki, bu barədə BFMTV məlumay yayıb.
Təhlükəsizlik mülahizələrinə görə daha bir reaktor yarı gücü ilə işləyir. Başqa bir reaktor isə planlaşdırılmış texniki işlərlə əlaqədar fəaliyyət göstərmir. AES-in altı reaktorundan yalnız biri tam gücü ilə istismar olunur.
Stansiyanın reaktorlarını soyudan su Şimal dənizindən daxil olur.
Fransa KİV-ləri qeyd edir ki, son zamanlar dəniz suyunun temperaturunun yüksəlməsi meduzaların artması üçün əlverişli amildir. Bundan əlavə, balıqçılıq da meduzaların çoxalmasına şərait yaradır, çünki balıqçılar meduzalarla qidalanan balıqları ovlayırlar.
Məryəm
