Çexiyada anomali dərəcədə isti hava şəraiti fonunda quraqlıq kritik səviyyəyə çatıb.
Elchi.az xəbər verir ki, bu barədə Çexiya Hidrometeorologiya İnstitutuna istinadən “Novinky” xəbər portalı məlumat yayıb.
Ölkənin əksər çaylarında və su hövzələrində suyun səviyyəsi çoxillik orta göstəricilərdən kəskin şəkildə aşağı enib. Çoxlu kiçik çaylar və arxlar quruyub. Respublikanın böyük hissəsində ekstremal dərəcədə aşağı hidroloji göstəricilər qeydə alınıb.
Məlumatdan bəlli olduğu kimi, ölkənin əsas su arteriyalarında kritik vəziyyət müşahid olunur.
Məsələn, Elba çayında suyun səviyyəsi bütün müşahidə dövrü ərzindəki tarixi minimuma yaxınlaşır. Praqanın yerləşdiyi Vltava çayında su anbarları sisteminin tənzimlənməsi sayəsində vəziyyəti sabitləşdirmək mümkün olsa da, Çeske-Budeyovitse şəhəri (Cənubi Çexiya) ərazisində göstəricilər ən aşağı qeydə alınmış səviyyəyə çatıb.
Suyun səviyyəsinin kəskin düşməsi, xüsusən də Praqa yaxınlığındakı Orliski su anbarında müşahid olunur. Orada dayazlıqda su anbarının yaradılması zamanı su altında qalmış tarixi obyektlər üzə çıxıb.
Çexiyada həmçinin yeraltı suların səviyyəsinin davamlı şəkildə düşməsi qeydə alınır. Bu, quyuların dolmasına son dərəcədə mənfi təsir göstərir. Meteoroloqların proqnozlarına görə, yaxın günlərdə respublikada yağıntı gözlənilmir və isti hava şəraiti davam edəcək.
Məryəm
