ABŞ prezidenti Co Baydenin müşaviri “Jake Sullivan” bildirib ki, Ağ Evdə kokainin tapılması milli təhlükəsizliyə təhlükə yaratmır. O, Ağ Evdə keçirdiyi brifinqdə fikirlərini bölüşüb.
Elchi.az bu barədə TASS-a istinadən xəbər verir.
“İndiki mərhələdə mən milli təhlükəsizliyə təhdid olduğuna inanmıram”, o, hadisəni şərh edərkən deyib.
Onun sözlərinə görə, Ağ Evdə “narkotiklərin sınaqdan keçirilməsi və narkotik istifadəsi ilə bağlı ciddi siyasət” var.
Bundan əvvəl ABŞ-ın keçmiş prezidenti Donald Tramp Ağ Evdəki kokainin prezident Baydenə və ya onun oğlu “Hunter”ə aid ola biləcəyini bildirmişdi.
“Ağ Evin təhlükəsizlik qeydləri haradadır… Ağ Evdəki kokainin haradan gəldiyini tez bir zamanda aşkar edəcək? Onlar artıq cavabı bilirlər, amma yəqin ki, xoşuna gəlmir”, – Tramp bildirib.
İyulun 4-də “The Guardian” qəzeti Ağ Evin kitabxanasında ağ toz halında maddənin tapıldığını yazıb. Təhlillər nəticəsində bunun kokain olduğu üzə çıxıb. Məxfi Xidmətin sözçüsü Entoni Quqlielmi bildirib ki, artıq maddənin binaya daxil olmasının “səbəbləri və vasitələri” ilə bağlı araşdırma aparılır.
Nuranə Məmmədova
Son şərhlər