Sloveniyada yüksək performanslı kompüterlə təchiz olunmuş “Sloveniya Süni İntellekt Zavodu” açılıb.
Elchi.az xəbər verir ki, Sloveniya Radio və Televiziyasının (RTV) məlumatına görə, şirkətlərə, tədqiqat müəssisələrinə və dövlət sektoru istifadəçilərinə süni intellektin inkişafı üçün əsas xidmətlər göstərməyi hədəfləyən fabrikin açılışını Sloveniyanın Baş naziri Robert Qolob edib.
Açılışda çıxış edən Qolob süni intellektdə geridə qalmamaq üçün çalışdıqlarını və fabrikin bu baxımdan onlara kömək edəcəyini bildirib.
Qolob fabrikdəki “superkompüterin” yalnız elm adamları üçün deyil, həm də sənaye və iqtisadiyyat da daxil olmaqla bir çox sektor üçün açıq olacağını vurğulayaraq deyib: “Əsl ehtiyac bu biliklərin istifadə edilə biləcəyi və iqtisadiyyata ötürülə biləcəyi şərait yaratmaqdır. Yeni süni intellekt fabrikinin və superkompüterin ən böyük üstünlüyü bu mərhələdə ortaya çıxıb. Biz həmçinin fabrik daxilində yaradılacaq milli generativ süni intellekt platforması vasitəsilə vətəndaşlara çıxış təmin etmək variantını nəzərdən keçiririk.”
Avropa Komissiyasının Sloveniyadakı Nümayəndəliyinin rəhbəri Jerneja Jug Jerse bildirib ki, “Sloveniya Süni İntellekt Fabriki”nin açılışı təkcə Sloveniya üçün deyil, həm də bütün Avropa Birliyi (AB) üçün vacibdir.
Jerse həmçinin qeyd edib ki, fabrik AB-də qurulan bir neçə süni intellekt fabrikindən biridir.
Sloveniya və Avropada superkompüter texnologiyaları və tətbiqlərini inkişaf etdirməyi hədəfləyən Lüksemburqda yerləşən Euro HPC şirkəti ilə tərəfdaşlıq çərçivəsində həyata keçirilən layihə süni intellekt ekosistemini inkişaf etdirməyi və sənayedə, dövlət sektorunda və elmdə süni intellekt tətbiqlərinin istifadəsini genişləndirməyi hədəfləyir.
Şayəstə
