Bildirilib ki, İngiltərə Kralı III Çarlz qardaşı Şahzadə Endryu Ceffri Epşteynə məxfi məlumatlar ötürdüyü iddiaları ilə bağlı polis istintaqını dəstəkləməyə hazırdır. ABŞ Ədliyyə Nazirliyi tərəfindən yeni Epşteyn sənədlərinin açıqlanmasından sonra bu iddialar yenidən ortaya çıxdı.
Elchi.az xəbər verir ki, ABŞ-da açıqlanan son sənədlərə görə, Endryu Mauntbatten-Vindzorun 2010-cu ildə Epşteynə bəzi “məxfi” materiallar göndərdiyi iddia edilir.
İngiltərədə monarxiya əleyhinə Respublika qrupunun lideri Qrem Smit bu vəziyyətlə əlaqədar olaraq Endryuya qarşı “dövlət vəzifəsindən sui-istifadə və rəsmi sirlərin pozulması” ittihamı ilə polis şikayəti verib.
Temza Vadisi Polisi şikayəti aldıqlarını və məlumatları standart prosedurlar çərçivəsində qiymətləndirdiklərini açıqlayıb.
Bukinqem Sarayı: Lazım gələrsə, dəstək verəcəyik
Bukinqem Sarayının sözçüsü bildirib ki, Kral Çarlz Endryu ilə bağlı iddialarla bağlı “dərin narahatlıq” ifadə edib.
Bəyanatda sarayın polisin tələbi ilə istintaqı dəstəkləməyə hazır olduğu vurğulanıb.
Şahzadə Endryu əvvəllər Epşteynlə hər hansı əlaqəsini inkar etmişdi. O, son iddialarla bağlı heç bir yeni açıqlama verməyib.
Şayəstə
