Şimali Koreya lideri Kim Çen İn 2022-ci ilin dekabrında ölkənin ilk hərbi casus peykinin elan edildiyi obyektdə araşdırma aparıb. Hakim İşçi Partiyasına yaxın olan milli Rodong Sinmun qəzeti, Kim və qızının ağ laboratoriya xalatlarında obyektə baxış keçirərkən çəkilmiş fotolarını dərc edib.
Elchi.az xəbər verir ki, Şimali Koreyanın rəsmi xəbər agentliyi hərbi casus peykinin elm adamları tərəfindən tədqiq edildiyini və bəzi sınaqlardan keçdikdən sonra raketə yüklənməyə hazır olduğunu bildirib.
Cənubi Koreya Xarici İşlər Nazirliyindən verilən açıqlamada Şimali Koreyanın hələ də peykin orbitə buraxılması ilə bağlı beynəlxalq orqanlara məlumat vermədiyi və orbitə buraxılacağı təqdirdə “regional sülh və sabitliyi təhdid edəcəyi” vurğulanıb.
Casus peykin orbitə buraxılması ilə bağlı açıqlamada, “Şimali Koreya rejimi xalqın acınacaqlı vəziyyətinə məhəl qoymadan qanunsuz təxribatlarını davam etdirməklə məşğul olduğunu bir daha sübut edir” ,- deyilib.
Nuranə Məmmədova
