CIA direktoru Con Retkliff Rusiya rəsmiləri ilə danışıqlar aparmaq üçün Moskvaya səfər edib.
Elchi.az xəbər verir ki, CIA direktoru Con Retkliff Rusiya rəsmiləri ilə danışıqlar aparmaq üçün Moskvaya səfər edib.
ABŞ mediasına danışan və səfərlə tanış olan ABŞ rəsmisi Retkliffin gecə saatlarında Moskvaya getdiyini təsdiqləyib.
Rəsmi görüşlərin məzmunu və ya müzakirə olunan mövzular barədə məlumat verməyib. MKİ həmçinin səfərlə bağlı şərh verməkdən imtina edib.
Retkliffin Moskvaya səfəri Donald Tramp dövründə CIA direktorunun Rusiyaya ilk məlum səfəridir.
Səfər Rusiya və Ukrayna arasında müharibəyə son qoymaq üçün danışıqların çıxılmaz vəziyyətə düşdüyü bir vaxta təsadüf edir.
ABŞ-dən Ukraynaya “hücumları dayandırın” tələbi
Səfərdən əvvəl Vaşinqtonun Ukraynadan Moskvaya və Rusiyanın şimalındakı digər şəhərlərə pilotsuz təyyarə və raket hücumlarını müvəqqəti olaraq dayandırmasını istədiyi bildirilir.
Məsələ ilə tanış olan bir mənbəyə görə, ABŞ-ın tələbi bazar ertəsindən çərşənbə gününə qədər olan dövrü əhatə edib.
Ukrayna rəsmilərinə yüksək vəzifəli ABŞ rəsmisinin Rusiyaya səfər edəcəyi barədə məlumat verilib.
Şayəstə
