ABŞ və İran arasında gərginlik hər gün artdıqca, ABŞ kəşfiyyat xidmətləri ilə bağlı yeni bir iddia ortaya çıxıb. İddia olunur ki, İranın ABŞ-a hücumları Yaxın Şərqdəki ABŞ kəşfiyyat obyektlərinə və avadanlıqlarına milyardlarla dollar ziyan vurub.
Elchi.az xəbər verir ki, NBC News-un məsələ ilə tanış olan dörd məmura istinadən verdiyi məlumata görə, İranın dron və raket hücumları ABŞ Mərkəzi Kəşfiyyat İdarəsi (MKİ) və Yaxın Şərqdəki digər kəşfiyyat qurumları tərəfindən istifadə edilən binalara və avadanlıqlara ziyan vurub.
“Bənzəri görülməmiş” miqyasda zərər
Rəsmilər hücumların ABŞ-ın bölgədəki kəşfiyyat obyektlərinə “görünməmiş” ziyan vurduğunu iddia edərək, binaların və avadanlıqların təmiri və ya dəyişdirilməsinin milyardlarla dollara başa gələcəyini iddia edirlər.
ABŞ-ın 16 hərbi bazası zərər gördü
CNN-in peyk görüntülərinə, zərərin qiymətləndirilməsi hesabatlarına və ABŞ və Körfəz mənbələrinə istinadən verdiyi məlumata görə, 28 fevraldan bəri İranın hücumları nəticəsində Yaxın Şərqdəki ən azı 16 ABŞ hərbi bazası müxtəlif dərəcələrdə zərər görüb.
Müharibənin ümumi dəyəri ən azı 50 milyard dollardır
CBS News və CNN də daxil olmaqla bir çox Amerika media orqanı da İranla müharibənin ümumi dəyərinin ən azı 50 milyard dollar olduğunu iddia edib.
Şayəstə
