Rusiyada fərdiləşdirilmiş melanoma peyvəndi alan ilk xəstənin sağlamlığının yaxşı olduğu və xəstəliyə qarşı lazımi immun reaksiyasının inkişaf etdiyi bildirilir.
Elchi.az xəbər verir ki, Peyvəndin hazırlanmasında rol oynayan Qamaleya Tədqiqat İnstitutunun elmi direktoru Aleksandr Ginzburq aprel ayında ilk dozanı alan 60 yaşlı üçüncü mərhələ melanoma xəstəsinin müalicəsinin davam etdiyini bildirib.
Ginzburq qeyd edib ki, testlər bədənin şişlər və metastazlar ilə mübarizə aparmaq üçün lazım olan aktiv birləşmələri istehsal etdiyini və immunoloji reaksiyanın son dərəcə müsbət olduğunu göstərib.
Keçən il Rusiya Səhiyyə Nazirliyi inkişaf etmiş melanoma üçün hazırlanmış mRNA əsaslı “Neooncovac” peyvəndinin və kolorektal xərçəngi hədəf alan “Oncopept” peptid dərmanının istifadəsini təsdiqləyib.
Qamaleya İnstitutunun rəsmiləri fərdiləşdirilmiş melanoma peyvəndinin qarşıdakı dövrdə daha 10 xəstə üçün hazırlanacağını və istehsalın bir-üç ay ərzində başa çatacağını açıqlayıblar.
Şayəstə
