“Belarus və Rusiya müasir nasistlərin və digər dağıdıcı qüvvələrin onları Ukrayna münaqişəsi vasitəsilə üçüncü dünya müharibəsinə cəlb etmək cəhdlərinə qarşı birgə müqavimət göstərəcəklər”.
Elchi.az xəbər verir ki, bunu Belarus prezidenti Aleksandr Lukaşenko Minskdə səfərdə olan Sankt-Peterburq qubernatoru Aleksandr Beqlovla görüşündə deyib.
“Biz görürük ki, bu gün nasistlər, faşistlər və digər dağıdıcı qüvvələr tarixi dəyişməyə, Böyük Qələbəyə bizim ümumi töhfəmizi inkar etməyə, həm o zaman, həm də indi öz cinayətkar əməllərinə haqq qazandırmağa çalışırlar. Ukrayna münaqişəsi ilə hamımız üçüncü dünya müharibəsinə sürüklənirik. Bununla belə, mən əminəm. onlar bizim xalqımızı o vaxt məhv edə bilmədilər, indi də bacarmayacaqlar”, – deyə Lukaşenko bildirib.
O, qeyd edib ki, tarixdə Leninqrad və Belarus qədər müharibədən əziyyət çəkən yer olmayıb:
“Biz bu gün Müstəqil Dövlətlər Birliyinin ərazisində və onun hüdudlarından kənarda azadlıq və həqiqət sütunu olan Belarus və Rusiyanın qardaş birliyinin möhkəmləndirilməsi istiqamətində çox iş görməliyik”, – deyə prezident əlavə edib.
Yeganə