Kremlin sözçüsü Dmitri Peskov ABŞ prezidenti Donald Trampın Strateji Silahların Azaldılmasına dair Yeni Müqavilə (Yeni START) ilə bağlı açıqlamasını alqışladıqlarını bildirib.
Elchi.az xəbər verir ki, Peskov paytaxt Moskvada jurnalistlərin aktual mövzularla bağlı suallarını cavablandırıb.
ABŞ prezidenti Trampın “Rusiya prezidenti Vladimir Putinin yeni Strateji Silahların Azaldılması Müqaviləsinə daha bir il əməl etmək təklifi yaxşı fikirdir” açıqlamasına münasibət bildirən Peskov, “Bu bəyanatı alqışlayırıq. Bu, ABŞ-ın Putinin təşəbbüsünü dəstəklədiyini düşünməyə imkan verir” deyib.
Peskov bu məsələ ilə bağlı ABŞ-dan diplomatik kanallarla heç bir siqnal almadıqlarını bildirib.
Peskov Ukraynanın “Çin Rusiyaya peyk kəşfiyyat məlumatları təqdim edib” iddiasına da münasibət bildirib və Rusiyanın Ukrayna ilə bağlı hərbi məqsədlərini yerinə yetirmək üçün lazımi potensiala malik olduğunu bildirib.
Almaniya kansleri Fridrix Merzin “Son həftələrdə Almaniyada görülən pilotsuz uçuş aparatları (PUA) uçuşlarının arxasında Rusiyanın dayandığından şübhələnirlər” ifadəsi ilə bağlı mətbuat katibi Peskov, “İHA-larla bağlı insident qəribədir. Rusiyanı bunda ittiham etmək üçün heç bir səbəb yoxdur” – deyib.
ABŞ-ın Sovet Rusiyası ilə 1991-ci ildə və Rusiya Federasiyası ilə 1993-cü ildə imzaladığı Strateji Silahların Azaldılması Müqavilələrinin (START 1 və START 2) davamı olan “Yeni START” Müqaviləsi Vaşinqton və Moskva arasında qüvvədə olan sonuncu nüvə sazişidir.
Uzun mənzilli nüvə başlıqları və raketlərə məhdudiyyətlər qoyan müqavilənin müddəti 2026-cı ilin fevralında başa çatır.
Rusiya prezidenti Vladimir Putin, sentyabr ayında müddəti başa çatdıqdan sonra ABŞ ilə Yeni START Müqaviləsinə bir il ərzində riayət etməyi təklif edərək, “Bu, yalnız ABŞ-ın eyni şəkildə hərəkət etməsi və mövcud çəkindirici potensiallar balansını pozacaq addımlar atmaması şərti ilə həyata keçirilə bilər” – deyib.
Nuranə Məmmədova
