Halbuki əvvəllər sosial şəbəkələr insanların əlaqə qurması üçün “maraqlı” bir yol idi.
Elchi.az xəbər verir ki,Birləşmiş Millətlər Təşkilatının Baş katibi Antonio Quterres bazar günü, iyunun 12-də sosial şəbəkələrin dünyadakı insanları bir-birinə bağlamaq vasitəsi kimi deyil, getdikcə daha çox qorxu mənbəyi kimi istifadə olunduğu fikrini ifadə edib.
O xatırladıb ki, sosial media ilk dəfə ortaya çıxanda bu, əlaqə qurmağın “həyəcanlı və yeni” bir yolu idi.
“Ancaq bu gün bu texnologiyalar çox vaxt ümid deyil, qorxu mənbəyi kimi istifadə olunur. Rəqəmsal platformalar elmə xələl gətirmək, dezinformasiya yaymaq və nifrəti qızışdırmaq üçün sui-istifadə edilir”, – Quterreş deyib.
BMT-nin baş katibi əlavə edib ki, sosial şəbəkələr səbəbindən təşkilatın bir sıra sülhməramlı missiyaları təhlükə altındadır.
“Bu aşkar və real qlobal təhlükə dünya ictimaiyyətinin aydın və əlaqələndirilmiş hərəkətini tələb edir”, – Quterreş yekunlaşdırıb.
Nuranə Məmmədova
Son şərhlər