Milli Kəşfiyyat Təşkilatının həyata keçirdiyi əməliyyatla DEAŞ-ın qondarma lideri Qureşi kod adlı şəxsin zərərsizləşdirilməsi dünya mətbuatında geniş əks-səda doğurub. Mövzu ilə bağlı ABŞ və Avropa mətbuatında xəbərlər yer alıb.
Elchi.az xəbər verir ki,Dünya mətbuatı prezident Rəcəb Tayyib Ərdoğanın DEAŞ-ın qondarma lideri Əbu Hüseyn əl Qureşi kod adlı şəxsin Milli Kəşfiyyat Təşkilatının nöqtə əməliyyatı ilə zərərsizləşdirilməsi ilə bağlı açıqlamasına geniş yer verib.
Ərdoğan dünən axşam TRT Türk, ATV Avropa, Euro D, Euro Star, Kanal 7 Avropada yayımlanan “Prezident Xüsusi Yayını”nda Milli Kəşfiyyat Təşkilatının DEAŞ-ın uzun müddətdir qondarma lideri Qureşi kod adlı şəxsi izlədiyini və onu zərərsizləşdirdiyini bildirib.
“Reuters” xəbər agentliyi “Ərdoğan İŞİD liderinin Suriyada türk kəşfiyyatı tərəfindən öldürüldüyünü söylədi” başlığı ilə xəbəri abunəçiləri ilə paylaşıb.
Xəbərdə Milli Kəşfiyyat Təşkilatının uzun müddətdir Qureyşi izlədiyi ifadəsi də yer alıb.
Associated Press (AP) xəbər agentliyi də “Ərdoğan türk qüvvələrinin Suriyada DEAŞ liderini öldürdüyünü söylədi” başlığını istifadə edib.
AP xəbərlərində prezident Ərdoğanın Türkiyənin heç bir ayrı-seçkilik etmədən terror təşkilatlarına qarşı mübarizəni davam etdirəcəyi ilə bağlı açıqlaması yer alıb.
Nuranə Məmmədova
