Pentaqon hazırda Ukrayna Silahlı Qüvvələrinin istifadə etdiyi hava hücumundan müdafiə sistemlərinin səmərəsizliyini etiraf edib. İndi onlara lazım olan daha səmərəli, yerə əsaslanan hava hücumundan müdafiə arxitekturasıdır.
Elchi.az TASS.ru-ya istinadən bildirir ki, bu barədə jurnalistlərə ABŞ-ın müdafiə naziri Lloyd Ostin məlumat verib.
Onun sözlərinə görə, bu vəziyyət Ukraynanın müdafiə naziri Oleksiy Reznikovla müzakirə olunub. Söhbət zamanı Ukrayna Silahlı Qüvvələrinin yaxın həftələr və bir ay ərzində üzləşdiyi texnika və silah çatışmazlığı mövzusuna toxunulub.
Bundan əlavə, Ostin Qərb ölkələrinin Ukraynaya təhvil verdiyi “Leopard 2” tanklarının Polşada texniki xidməti və təmiri mərkəzinin yaradılmasında irəliləyiş olduğunu qeyd edib. Berlin, Varşava və Kiyev belə bir mərkəzin yaradılması barədə razılığa gəliblər, o, mayın sonuna qədər işə başlaya bilər.
“Bu gün “Leopard” Tank Konsorsiumunun üzvləri belə bir mərkəzin yaradılması istiqamətində irəliləyişləri, eləcə də yaxın illərdə bu proqramı dəstəkləmək səylərini müzakirə ediblər”, – deyə Ostin mətbuat konfransında bildirib.
Ostin çıxışı zamanı, həmçinin, Amerika F-16 qırıcılarını idarə etmək üçün Ukrayna hərbçilərinə təlim keçmək üçün Avropa koalisiyasına rəhbərlik etmək qərarına görə Danimarka və Hollandiyaya minnətdarlığını bildirib.
Pentaqonun rəhbəri bildirib ki, Norveç, Belçika, Portuqaliya və Polşa artıq Ukrayna Silahlı Qüvvələrinə pilotların hazırlanmasında yardım təklif ediblər. O, digər ölkələrin də bu təşəbbüsə qoşulacağına ümid etdiyini vurğulayıb.
Yeganə
