Bazar ertəsi Pakistanın daxili işlər naziri Möhsin Naqvi paytaxtda keçirilən görüş zamanı İranın səfiri Rza Amiri Moqaddama İslamabadda keçiriləcək sülh danışıqlarına hazırlığın gedişatı barədə məlumat verib.
Elchi.az xəbər verir ki, bu barədə “AP” agentliyi məlumat yayıb.
Nazirliyin bəyanatında deyilir ki, hər iki tərəf regional gərginliyi azaltmaq üçün münaqişənin diplomatik kanallar vasitəsilə dayanıqlı şəkildə həllinin vacibliyini vurğulayıb.
Görüş Naqvinin ABŞ-ın müvəqqəti işlər vəkili Natali Beykeri danışıqlara hazırlıq barədə məlumatlandırmasından bir neçə saat sonra baş tutub.
Qeyd edək ki, Naqvi ötən həftə sülh prosesini irəlilətmək üçün Tehrana səfər edən Pakistan Quru Qoşunlarının baş komandanı, feldmarşal Asim Munirin rəhbərlik etdiyi nümayəndə heyətinin tərkibində olub. Naqvinin sözlərinə görə, İran səfiri Pakistanın gərginliyin azaldılmasında oynadığı müsbət və konstruktiv rolu yüksək qiymətləndirib.
Məryəm
