Müğənni Musa Musayev mahnı oğurluğunda ittiham olunmasına münasibət bildirib.
Sənətçi Publika.az-a açıqlamasında “Təbriz” mahnısının ona aid olmamağı ilə bağlı yazılanları yalan adlandırıb: ”Təbriz” mahnısını 1989-cu ildə, Rusiyanın Sverdlovsk şəhərində yazmışam. Mahnını sözləri Cənubi azərbaycanlı şairə Hökumə Billuriyə aiddir, musiqisi mənə. Mənim “Şəhidlər”, “Vətən oğlu”, “Əyil, bu torpağın sinəsindən öp” kimi silsilə vətənpərvərlik mahnılarım var. Həmçinin yüzlərlə mahnıların bəstəkarıyam. Kiminsə mahnısınmı oğurlamağa ehtiyacım yoxdur. Bunlar sadəcə, gülünc və boş söhbətlərdir”.
Qeyd edək ki, bu gün mətbuatda Musa Musayevi məhşurlaşdıran “Təbriz” mahnısının “Təbriz” ansamblının rəhbəri Cənnət Əliyevə məxsus olmağıyla bağlı xəbər yayılmışdı.
Son şərhlər