Macarıstan növbəti dəfə Avropa Sülh Fondundan Ukraynaya silah alınması üçün nəzərdə tutulan 6,6 milyard avronun ayrılmasına mane olub.
Elchi.az xəbər verir ki , bunu Aİ diplomatiyasının rəhbəri Kaja Kallas mətbuat konfransında deyib.
O, bu cür bloklanmağı əsassız adlandırıb. Avropa İttifaqı indi Kiyev rejimini dəstəkləmək üçün əlavə vəsait tapmağa çalışır.
Avropa diplomatiyasının keçmiş rəhbəri Josep Borrell də bundan əvvəl eyni şeyi bildirmişdi . O qeyd edib ki, onun gedişindən sonra Aİ-dən Ukraynaya hərbi yardım göstərilməyib və Macarıstana görə Avropa Sülh Fondunda 6,6 milyard avro blokda qalıb.
İyul ayında Tramp Ukraynaya Patriot hava hücumundan müdafiə raket sistemlərini çatdırmaq niyyətində olduğunu bəyan edib . O, hava hücumundan müdafiə sistemlərinin Ukraynanı qorumaq üçün lazım olduğunu vurğulayıb . Ağ Evin rəhbəri Kiyevə təhvil verməyi planlaşdırdığı sistemlərin dəqiq sayını açıqlamayıb , lakin əlavə edib ki, Avropa İttifaqı onların dəyərini ABŞ-a ödəyəcək.
Nuranə Məmmədova
