Hindistanın Baş naziri Modi Ayodhyada hindular tərəfindən dağıdılan Muğal məscidinin yerində tikilmiş məbədin açılışını edib. 217 milyon dollara başa gələn məbəd tikilərkən ətrafdakı insanların evləri və iş yerləri müsadirə edilərək sökülüb.
Elchi.az xəbər verir ki, Hindistanın baş naziri Narendra Modi Ayodhya şəhərində hindu tanrısı Ram üçün tikilmiş məbədin açılışını edib. Mərasimdə on minlərlə insan iştirak edib.
1992-ci ilə qədər məbədin yerini 16-cı əsrdə Moğollar tərəfindən tikilmiş Moğol məscidi tuturdu.
Həmin il məbəd bir qrup hindu tərəfindən dağıdıldı və ölkə daxilində başlayan etirazlarda 2 minə yaxın insan həyatını itirdi.
Hindular inanırlar ki, Ram tanrısı həmin yerdə anadan olub və Moğol məscidi tikilməzdən əvvəl orada Ram məbədi olub.
Məscidin sökülməsindən sonra hindu millətçi siyasətçiləri burada Ram üçün məbəd tikəcəklərini vəd ediblər.
Burada məbəd tikmək üçün başlayan hərəkat 1990-cı illərdə Modinin bu gün hakimiyyətdə olan Bharatiya Janata Partiyasının güclənməsinə və siyasi səhnəyə çıxmasına şərait yaratdı.
Üç mərtəbəli məbədin tikintisi 217 milyon dollara (təxminən 6,5 milyard TL) başa gəlib.
Məbəd üçün 130 sm hündürlüyündə Ram heykəli də hazırlanıb.
Bir neçə ay sonra ümumi seçkilərin keçiriləcəyi Hindistanda Modinin bu məbədi siyasi maraqları üçün istifadə etdiyini iddia edən müxalifətin əksəriyyəti açılış mərasiminə qatılmayıb.
Bugünkü “həyat enerjisinin ortaya çıxması” mərasimində od ətrafında dini sözlər təkrarlanır, dini ayinlər yerinə yetirilir.
Bunların sayəsində Ram tanrısının heykəllərində və ya fotoşəkillərində müqəddəs bir həyatın meydana çıxacağına inanılır.
Modi məbədin yalnız birinci mərtəbəsini açıb.
Digər tərəfdən, bəzi hindular, yarımçıq məbəddə mərasim keçirməyin dinə zidd olduğunu düşünürlər.
Səlahiyyətlilər məbədin tamamlanmasından sonra gündə 150 min ziyarətçinin diqqətini çəkəcəyini düşünür.
Buna görə də şəhər böyük infrastruktur sərmayələri ilə buna hazırlaşır.
Son həftələrdə yeni hava limanı və qatar stansiyası istifadəyə verilib, bir neçə yeni otel tikilib.
Qanq çayının qollarından biri olan Saryu çayı üzərində yerləşən bu sakit şəhərin çevrilməsi üçün hökumət 3 milyard 850 milyon dollar vəsait ayırıb.
Nuranə Məmmədova
Son şərhlər