Los-Anceles yaxınlığındakı Monterey Parkında baş verən atışmada 10 nəfər həlak olub.
Elchi.az RMG News-a istinadən xəbər verir ki, hadisə şənbə günü, yanvarın 21-də mağazanın yanında Çin Yeni ilini qeyd edərkən baş verib. Daha 9 nəfər yaralanıb.
Öz növbəsində BNO News yazır ki, atışma nəticəsində 16 nəfər yaralanıb. Eyni zamanda nəşr qeyd edir ki, ölənlərin dəqiq sayı hələlik məlum deyil. Agentliyin məlumatına görə, Asiyadan olan mühacirlərə məxsus müəssisələrdən birinin binasında bir neçə qurban tapılıb.
Xatırladaq ki, bu il yanvarın 1-də ABŞ-da naməlum şəxs Yeni il şənliyində atəş açıb. Hadisə Alabama ştatının Mobile şəhərində baş verib. İlkin məlumatlara görə, təsadüfi atəş nəticəsində azı on nəfər yaralanıb, daha üç nəfər həlak olub. Çaxnaşma yaranıb və insanlar qaçıblar.
2022-ci ilin noyabrında Virciniya ştatında Walmart mağazasında baş verən atışmada təxminən on nəfər həlak olmuşdu.
Şayəstə