Avropa Komissiyasının (AK) sədri Ursula fon der Leyen ukraynalı qaçqınların Avropa İttifaqına (Aİ) qəbulunun məhdudlaşdırılmasını təklif edib.
Elchi.az bu barədə onun Aİ sammiti öncəsi Avropa liderlərinə göndərdiyi məktuba istinadən məlumat yayıb.
Məlumata görə, AK prezidenti Ukrayna vətəndaşlarının qəbulu ilə bağlı sadələşdirilmiş qaydalara dəyişiklik etmək niyyətindədir, lakin eyni zamanda ukraynalı qaçqınlar üçün müvəqqəti müdafiənin uzadılmasını təklif edir.
Təklifin təfərrüatları təqdim edilmir, lakin tənzimləmənin əhatə dairəsinin Ukraynanın müdafiə qabiliyyətinə xələl gətirməyəcək şəkildə dəyişdirilməsinin nəzərdə tutulduğunu qeyd edir. Ola bilsin ki, çağırış yaşında olan kişilərin qəbulu qaydaları dəyişsin.
Daha əvvəl məlumat verilmişdi ki, Çexiya Daxili İşlər Nazirliyi ukraynalı qaçqınlara humanitar yardımın göstərilməsi şərtlərini sərtləşdirmək niyyətindədir. Dəyişikliklərə əsasən, humanitar yardım almaq üçün onlardan işləmək, bizneslə məşğul olmaq və ya məşğulluq xidmətində qeydiyyatda olmaq tələb olunacaq.
Yeganə
