Yaponiyanın baş naziri Fumio Kişida çıxışında Yaponiya hakimiyyətinin Rusiya ilə sülh müqaviləsi bağlamaq istəyini açıqlayıb. Eyni zamanda o, etiraf edib ki, hazırda iki ölkə arasında münasibətlərdə vəziyyət kifayət qədər ağırdır.
Elchi.az bu barədə Vesti.ru-ya istinadən xəbər verir.
“Lakin Yaponiya ərazi probleminin həllinə və sülh müqaviləsinin bağlanmasına yönəlmiş kursa qətiyyətlə sadiq qalır”, – deyə siyasətçi bildirib.
Kişida bu istəyə baxmayaraq, Yaponiyanın Rusiya əleyhinə sanksiyaları dəstəkləməyə və Ukraynaya kömək etməyə davam edəcəyini qeyd edib.
2023-cü ilin dekabrında Yaponiya İqtisadiyyat Nazirliyi Rusiya, BƏƏ, Suriya və Özbəkistandan olan təşkilatlara qarşı yeni sanksiyalar tətbiq etdiyini açıqlayıb. Qara siyahıya 57 Rusiya, 27 Belarus, Özbəkistan və BƏƏ-dən iki, Ermənistan və Suriyadan isə bir şirkət daxil edilib.
Yeganə