İsrailin Qəzza zolağına 131 gündür təşkil etdiyi hücumlarda can itkisi 28 min 576-ya yüksəlib.
Elchi.az xəbər verir ki, Qəzzada Fələstin Səhiyyə Nazirliyi tərəfindən edilən yazılı açıqlamada İsrail ordusunun Qəzza zolağında həyata keçirdiyi hücumlarla bağlı məlumat verilib.
İsrail ordusunun Qəzzada son 24 saatda həyata keçirdiyi 11 qırğında 103 nəfərin öldüyü, 145 nəfərin yaralandığı bildirilib.
Qəzzada 7 oktyabr 2023-cü il tarixindən bu yana davam edən hücumlarda ümumi can itkisinin 28 min 576, yaralı sayının isə 68 min 291-ə çatdığı bildirilib.
Bəyanatda həmçinin vurğulanıb ki, Qəzza zolağında dağıntılar altında və yol kənarında hələ də ölülər var, lakin İsrail qüvvələrinin maneələri səbəbindən tibb qrupları və mülki müdafiə rəsmiləri cəsədlərə çata bilmir.
Şayəstə Hüseynova