Birləşmiş Ştatlar İranla nizamlanmaya dair yekun saziş imzalanana qədər Yaxın Şərqdəki qüvvələrini azaltmayacaq.
Elchi.az xəbər verir ki, bu barədə “Fox News” telekanalı ABŞ və İran arasında bağlanan iki səhifəlik memorandumun mətninə istinadən məlumat yayıb.
“Sazişdə həmçinin deyilir ki, Birləşmiş Ştatlar yekun müqavilə imzalanana qədər öz qüvvələrini ixtisar etməyəcək. Bu isə o deməkdir ki, ABŞ-nin iki aviadaşıyıcı zərbə qrupu regionda qalmağa davam edəcək”, — deyə teleaparıcı bildirib.
İranın yüksək dərəcədə zənginləşdirilmiş uran ehtiyatları yerindəcə məhv ediləcək. MAQATE bu prosesə nəzarət edəcək. “İran ən azından zənginləşdirilmiş uran ehtiyatlarının yerindəcə məhv edilməsinə və MAQATE-nin buna nəzarət etməsinə razılıq verib”, — deyə o qeyd edib. “Hörmüz boğazı dərhal açılır, heç bir hücum, heç bir rüsum olmayacaq və biz blokadanı tədricən qaldırırıq. İrana yenidən neft satmağa icazə verilir”, — deyə aparıcı həmçinin əlavə edib.
Memorandumdan o da məlum olur ki:
İrana neft satmağa icazə veriləcək.
Fars körfəzi ölkələri İranın bərpası üçün nəzərdə tutulan 300 milyard dollarlıq fondun üzvləri olacaqlar, ABŞ isə bu fondda iştirak etməyəcək.
Məryəm
