Rusiya Xarici İşlər Nazirliyinin sözçüsü Mariya Zaxarova İranın nüvə infrastrukturuna zərbələr nəticəsində dünyanın nüvə fəlakətindən millimetr uzaqda olduğunu deyib.
Elchi.az xəbər verir ki, bundan əvvəl nazirlik İsrailin İranın nüvə obyektlərinə hücumlarını pisləyərək, onları qanunsuz və təhlükəli adlandırıb.
“Hər gün İranda dinc mülki infrastrukturun nüvə obyektlərinə bir neçə dəfə raket zərbələri endirilir. İndi başa düşməliyik ki, biz fəlakətdən millimetr uzaqdayıq”, – Zaxarova Sankt-Peterburq Beynəlxalq İqtisadi Forumunda deyib.
Çərşənbə günü məlum olub ki, İsrail Hərbi Hava Qüvvələri uranın zənginləşdirilməsi üçün sentrifuqların istehsalı ilə məşğul olan İran müəssisəsini vurub. Reyddə 50-dən çox döyüş maşını iştirak edib, nüvə obyekti Tehran yaxınlığında yerləşirdi.
Yeganə
