Fələstin prezidenti Mahmud Abbas İsrailin işğalçı qüvvələrinin Qəzza zolağının bölünməsi planlarının qəbuledilməz olduğunu və Qəzzanın Fələstinin ayrılmaz hissəsi olduğunu bildirib.
Elchi.az xəbər verir ki, Fələstinin WAFA xəbər agentliyinin məlumatına görə, Mahmud Abbas Hollandiya və Avstraliyanın baş nazirləri Mark Rutte və Entoni Albanese ilə ayrı-ayrılıqda telefonla danışıb.
Hollandiyanın baş naziri Rutte ilə görüşündə Abbas, “İşğal qüvvələrinin Qəzzanı bölmək planları qəbuledilməzdir” deyərək, Qəzza ilə bağlı heç bir siyasi və ya təhlükəsizlik həlli olmadığını, bunun Fələstin dövlətinin ayrılmaz hissəsi olduğunu bildirib.
Abbas vurğulayıb ki, beynəlxalq legitimliyə əsaslanan siyasi həllin həyata keçirilməsi Fələstin xalqının azadlıq, müstəqillik və suverenliyə nail olması üçün mütləqdir.
Abbas Fələstin xalqının qanuni təmsilçiləri olduqlarını və Fələstin Azadlıq Təşkilatının milli qərarlar vermək hüququna malik olduğunu qeyd edib.
Nuranə Məmmədova
Son şərhlər