İsrail polisi fələstinli müğənni Dalal Abu Amneh’i sosial mediada “Fələstini dəstəklədiyi və İsrail əleyhinə paylaşımlar etdiyi” səbəbi ilə saxlayıb. Dalal Abu Amneh azadlığa buraxılıb.
İsrail polisinin fələstinli müğənni Dalal Abu Amneh ilə bağlı verdiyi açıqlamada, Nazaret şəhərində yaşayan sosial mediada nüfuzlu müğənninin “Fələstinə dəstək vermək və hadisələri təhrik etmək” şübhəsi ilə saxlanıldığı bildirilib.
Elchi.az xəbər verir ki, İnstaqram hesabında paylaşım edən müğənni iki günlük karserdən sonra azadlığa buraxıldığını açıqlayıb.
Amneh həbsdə olarkən yaşadıqlarından danışıb: “Onlar məni insanlıqdan çıxarmağa, səsimi susdurmağa və hər vəchlə alçaltmağa çalışdılar. Məni təhqir etdilər, əllərimi və ayaqlarımı qandalladılar. Bunları etməklə məni yalnız şərəfləndirdilər”,-ifadələri ilə izah etdi.
Nuranə Məmmədova
Son şərhlər