publisist Etyen Mahçupyan “TRT Türk” kanalına verdiyi müsahibəsində Türkiyə-Rusiya, Türkiyə-Ermənistan münasibətlərini və Qarabağ problemini şərh edib.

Etyen Mahçupyan müsahibəsində bildirib ki, Cənubi Qafaqazda konflikt vəziyyətinin qalması, regionda müharibə vəziyyətinin davam etməsi yalnız Rusiyaya sərf edir.

“Regionda vəziyyəti qarışdıran Rusiyadır. Bütün konfliktlərin arxasında Rusiya dayanır və bu vəziyyətdən istifadə edərək regionu öz nəzarətində saxlayır. Ermənistana daha güclü təsir rıçaqları olan Moskva Türkiyə-Ermənistan münasibətlərinin yaxşılaşdırılması yolunda dayanan ən böyük əngəldir. Türkiyə ilə Ermənistanın yaxınlaşmaq istədiyi məqamda həmişə Rusiyanın Ermənistan siyasi elitasına göstərdiyi təzyiq iki qonşu dövləti və onların xalqlarını mədəni inteqrasiyasına mane olur. Cənubi Qafqazda sülhün bərpası, regiondakı müharibə təhlükəsinin azaldılması üçün tamamilə yeni planlar paketi hazırlanmalıdır. Qarabağ problemi Azərbaycanın ərazi bütövlüyü nəzərə alınmaqla, Qarabağda hər iki xalqın nümayəndələrinin rahat yaşamaları üçün demokratik ortamın, ab-havanın yaradılması şərti ilə həll edilməlidir və Türkiyə-Ermənistan sərhəddi açılmalıdır. Vəziyyət yalnız bu halda stabilləşə bilər. Məsələlərin bu cür həlli isə Rusiyanın Qafqazdakı maraqlarına cavab vermir. Ona görə də Moskva bölgədə yaratdığı müharibə ocaqlarından istifadə edərək regiondakı hərbi-siyasi varlığını davam etdirir”, deyə Etyen Mahçupyan bildirib.

Xatırladırıq ki, Əhməd Davudoğlu baş nazir təyin olunandan sonra köşə yazarı, publisist, Türkiyənin erməni icmasının ən tanınmış nümayəndələrindən biri Etyen Mahçupyanı özünə baş məsləhətçi təyin etmişdi.