Ədalət, Hüquq, Demokratiya (ƏHD) Partiyası İdarə Heyətinin növbəti iclası keçirilib. Partiyanın mətbuat xidmətindən Xalqcəbhəsi.az-a verilən məlumata görə, İdarə Heyəti müzakirələrdən sonra bəyanat qəbul edib.
Bəyanatda deyilir:
“ƏHD Partiyası ölkəmizdə və regionda baş verənləri müzakirə edərək, iqtidarı yeni iş yerlərinin açılması üçün əlverişli biznes mühitinin yaradılmasını təmin edəcək, iqtisadiyyatın bütün sahələrini əhatə edən köklü islahatlar aparılana qədər, dövlət orqanlarında, müəssisələrində və təşkilatlarında aparılan kütləvi ixtisarları dayandırmağa çağırır. İqtidar özəl sektorda da iş yerlərinin qapadıldığını nəzərə almalıdır. Demoqrafik vəziyyətin təhlükəli həddə çatması, ərzaq və sənaye məhsulları idxalının son iki ildə sürətli artımı, ixracın 90-92 %-ni neft-qaz məhsullarının təşkil etməsi, biznes mühitinin əlverişsiz olması səbəbindən kapitalın xaricə axması, Bakı şəhərində kommunal xidmətin, qəsəbədaxili yolların acınacaqlı vəziyyətdə olması hökuməti ciddi şəkildə narahat etməli, sürətli qərarlar qəbul olunmalıdır.
ƏHD Partiyası hökuməti evlərini su basmış insanlara təcili maddi kömək göstərməyə, hər dəfə güclü yağış yağanda su altında qalan əraziləri tikinti şirkətlərinə verməyə, Bakı şəhərində kommunal xidmətin təşkili üçün, Körfəz ölkələrinin təcrübəsindən istifadə olunaraq, inkişaf etmiş ölkələrdən olan şirkətlərlə müqavilələr imzalamağa və bu sahəyə cavabdeh olan xidmət sahələrini özəlləşdirməyə çağırır”.
Hikmət Hacıyev: Azərbaycan–Avropa İttifaqı tərəfdaşlığı strateji əhəmiyyət daşıyır
Bu gün Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Avropa İttifaqı Şurasının Şərqi...
