Dünyanın ikinci ən sıx məskunlaşdığı ölkə və planetin ən böyük istehlak bazarı olan Çin 60 ildən sonra ilk dəfə əhalinin azalması ilə üzləşib. Elchi.az bu barədə Lent.ru-ya istinadən xəbər verir.
Digər inkişaf etmiş ölkələrdən sonra ÇXR özünün “gümüş dövrünə” qədəm qoyub, bu zaman yaşlı vətəndaşların sayı durmadan artır, doğum səviyyəsi isə aşağı düşür. Bir vaxtlar Çin hakimiyyəti əhalinin sürətli artımını cilovlamaq istəyi ilə vətəndaşlara birdən çox uşaq sahibi olmağı qadağan etmişdi. İndi onlar həyəcan təbili çalır və çinliləri iqtisadi tənəzzülün qarşısını almaq, bazar potensialını, əmək resurslarını ABŞ-la qarşıdurmada çox vacib olan digər üstünlüklərini qorumaq üçün böyük ailələrə sahib olmağa çağırırlar. Çinlilər niyə uşaq sahibi olmağa tələsmirlər, ölkə hakimiyyəti doğum nisbətini necə stimullaşdırır və demoqrafik vəziyyət daxili siyasəti necə dəyişə bilər.
2023-cü ildə Çin Milli Statistika Bürosu ölkədə 1960-cı illərdən bəri ilk əhalinin azaldığını elan etdi. Ölkə 850 min insan itirdi və bir qadına düşən doğumların sayı 1,0-1,1-ə düşdü ki, bu da rəsmi gözləntilərdən xeyli aşağıdır. BMT-nin proqnozlarına görə, Çinin əhalisi 2050-ci ilə qədər 1,313 milyarda, 2100-cü ilə qədər isə 800 milyona düşə bilər.
Qeyd edək ki, bütün bunlar gözlənilən ömür uzunluğunun artması, yaşlı vətəndaşların sayının artması və nəticədə əmək qabiliyyətli əhalinin tədricən azalması fonunda baş verir.
Havar Şəfiyeva
