“Ermənistan tərəfindən əsir götürülmüş hərbiçilərimiz dərhal qeyd şərtsiz şəkildə azad olunmalıdır. Onlar bununla həm də siyasi məqsədlər güdür”. Bunu Elchi.az-a açıqlamasında Milli Məclisin Deputatı Vüqar İskəndərov deyib.
“Bu vaxta qədər Azərbaycan tərəfdən tutulan erməni hərbiçilərə qarşı etik normalar Beynəlxalq Konvensiyaya uyğun şəkildə həyata keçirilib. Bunula bir daha Azərbaycan xalqı göstərdi ki, Beynəlxalq normalara ciddi əməl edirik. Ermənistan isə əksinə öz vəhşi hərəkətlərini davam etməkdədir. Bu fonda Ermənistanın hərəkətləri qəbul edilməzdir.
Deputat onu da qeyd edir ki, Rəsmi Bakı bu barədə Beynəlxalq Təşkilatlara dəfələrlə müraciət edib:”BMT-nin Məhkəmə Təşkilatları, təsir edən dövlətlər bu sahədə Ermənistana təzyiqi artırmalı, iki hərbiçimizin geri qaytarılması Ermənistandan tələb edilməlidir. Bu, tək Azərbaycanın tələbi deyil, eyni zamanda Beynəlxalq hüquq qaydalarına əks çıxması deməkdir”.
Havar Şəfiyeva
